Mia被轟頻換畫 新歡急護花
自o靚模陳靜儀（Mia）與錢景峰（Andrew）半年情玩完後，回復單身的她雖然不時惹來狂蜂浪蝶，但似乎多是霧水情緣。前日Mia突然在facebook公開與名為Hayes Cheng的男生在「交往中」，還匿稱對方為「三眼仔」，更留言寫道︰「因為你，我改變了自己，三眼仔」，高調大晒恩愛。
不少好友祝福
雖然Mia得到不少好友祝福，但亦有一名女生狠狠地批評她說︰「又拍拖？究竟你幾時先拍完，搵番段真感情照顧仔女，點解成日換來換去，不知所謂。」即時令新歡睇唔過眼，用英文留言反擊，指對方留言前要諗清楚，又謂她根本唔了解Mia，更表示自己會負責照顧小孩，認真護女深切。
大讚男友體貼
昨日Mia在電話中大方承認新戀情，還甜絲絲說︰「佢係我朋友嘅朋友，Andrew都識佢，而且識佢比Andrew仲耐，最近大家熟落咗，覺得啱先走埋一齊，佢個人好體貼，仲好支持我嘅工作。（高調公開?）其實唔想拍拖都偷偷摸摸，而且係開心事，公司亦無阻止。」被問有人抨擊她成日換仔，Mia無奈謂不能討好所有人，但一提到新男友為她反擊，即甜笑維護男友說︰「佢係有啲激動，但佢唔係圈中人，希望大家可以畀啲空間佢。」昨日熱戀中的他們又在facebook傳情，Mia男友留言說︰「Missing You」，可謂非常癡纏。
文︰專案組