唔見男友一個月 官恩娜考驗愛情
歌手官恩娜（Ella）、鍾舒漫（Sherman）、泳兒及《超級巨聲2》冠軍林欣彤等昨晚出席《沙田月滿落安居》，Ella表示由上年開始愛上吃月餅，昨晨更「鯨吞」整個月餅，恐怕會增重四、五磅，問會否跟男友過節？她說：「睇情況，最近有記者跟，所以少咗見面，我想試吓一個月完全唔見當考驗。（忍唔住？）唔會！我有工作忙。」
而林欣彤表示會約家人及朋友慶祝，問到會否約緋聞男友，她即說：「邊個？（多得滯？）唔係！我會打畀所有朋友！其實都未慣應付記者，同學同父母都擔心我壓力大，我暫時應付到，不過想專注學業，減少啲工作。」
Sherman則承認小時候曾煲蠟：「試過一次煲蠟燒到成個人咁高，之後就冇再玩。」