趕陪志雲度中秋 王喜嘲寧進小朋友呷醋

王喜為落難志雲披風擋雨，冒雨赤腳踩入大嶼山為志雲拜佛祈福，感動不少香港人，王喜昨日表示：「我都唔好意思，其實為朋友做啲嘢o架，大家唔使成日掛口邊，為朋友盡力去做，希望對方感到安慰，雙方舒服就得。」王喜坦言前日行過108個大禮之後，昨日開工感到雙腳麻痹。

賣樓籌錢打官司

被問到是否會為志雲賣樓籌錢打官司？王喜一副完全奉獻的態度說：「去到最壞情況至咁做，層樓係我目前唯一資產，好多人都有為佢做咗好多嘢。（志雲有冇感動到喊？）我冇問。（佢轉律師？）以我所知冇，但律師費真係好貴。」

對於寧進指王喜乃係「志雲Best Best Friend」，王喜笑說：「千祈唔好咁講，唔敢當，寧進佢小朋友呷醋。（你至係志雲嘅「冧巴溫」？）係好朋友o架！」王喜又表示昨日雖要為《天天天晴》開早廠，但收工仍趕去陪陳志雲賀中秋，希望人月兩團圓。

寧進得知王喜指他呷醋，他說：「我梗係唔係呷醋！其實我都驚阿喜嬲我咁講，不過講到冧巴溫，我一定唔係，阿喜為陳生所做嘅嘢，我相信陳生會好感動。」

樂易玲未知出庭

此外，無綫製作資源部總監樂易玲，昨晚出席楊思琦有份參演的音樂劇《情場如戰場》時，被問到是否會出庭做證人，她說：「未收通知，（陳志雲復工？）有聽聞過，詳情唔知。（方逸華為志雲案唔開心？）中午見佢都幾開心。（志雲有乜秘密任務？）話得係秘密，我梗唔知！但陳生一直有同方小姐聯絡。（邵逸夫點睇志雲案？）上次同佢喺港姐競選度見面，但大家只係傾港姐。」

文：影視組