廖碧兒與陳豪昨日「情侶檔」出席護膚品牌活動，期間碧兒於陳豪臉上塗護膚品，令陳豪尷尬面紅，還表示「很滋潤」，冧得碧兒亦不斷甜笑。事後陳豪被追問是否真的很滋潤？他謂︰「個產品好滋潤囉！（碧兒平日有冇幫你搽？）冇咩機會架！只不過呢排大家一齊拍廣告啫！（會唔會一齊拍婚紗廣告？）有得傾嘅，都唔抗拒。」而碧兒對於被指與陳志雲劃清界線，她無奈表示︰「同陳生不嬲都係上司同下屬關係，自從件事後冇喺公司見過佢，亦冇聯絡。」
