陳志雲提堂 寧進冇心機過節
今日中秋節迎月日，陳志雲卻要面對ICAC落案起訴涉嫌串謀貪污詐騙案，並需上庭應訊，可幸得愛將寧進、鄧健泓和王喜在場外打氣，他們雖不會到庭聽審，但會在庭外作遙距祝福。
鄧健泓傳短訊
鄧健泓雖然不能出庭聽審，但說還有另外方法作支持，他說：「我會SMS志雲為佢打氣！」而王喜更說會隨時為志雲効勞，阿喜說：「我唔擔心審訊結果，只擔心過程太漫長，為朋友帶嚟好大嘅折騰，（點支持？）隨時候命。」
至於半年前曾與陳志雲一併遭ICAC帶返署調查的寧進，目前雖獲撤銷保釋「甩身」，但他卻未跟志雲劃清界線，坦言日日為「恩師」志雲祈禱，並有SMS對方。
另選時間聽審
由於寧進之前曾聲言想到庭聽審支持志雲，但最後卻另選時間，因為知道今日志雲只是「過堂」，他說：「我都係唔去啦，知佢今次係『過堂』好快就走，唔會講咩，我問咗啲朋友意見，覺得要支持都唔係呢個時候，所以我傳咗SMS畀佢，內容係：『一定冇事，永遠支持！』（中秋迎月日要提堂可覺對方慘？）過節事小，希望佢快啲解決件事就幾時都係好日子啦，不過我心情都受到影響，冇心機過中秋。」
文：影視組