終認女友身份 城城5年內娶熊黛林
郭富城與熊黛林（Lynn）的地下情進一步浮面！問城城與Lynn何時組織家庭生小朋友時，他毫不避忌表態Lynn的存在，更希望可以五年內結婚。
城城昨日出席新浪微博一周年活動，同場的李嘉欣懷有身孕，城城即恭喜對方有美滿生活。問城城何時計劃生小Lynn或小城城？他說：「我相信結婚同生小朋友都有計劃，但唔係呢段時間。（計劃咗同Lynn生小朋友？）我都未有時間plan將來幾時做呢樣嘢，如果有日結婚，一定會喺微博公布。就算我自己有plan，對方都要有呢個思想先得，依家貿貿然講係唔得。」
問到是否與Lynn有共識？他再次強調未有這個計劃。再問是否與Lynn講過？他即嚴謹地說：「唔得o架，講吓有責任o架，我唔敢，做人完全唔敢做呢樣嘢，就算身邊識嘅女性朋友都好，呢啲唔可以亂講。」
拒奉子成婚
記者表示Lynn曾言喜歡小朋友，城城表示不知情，反指自己一定是個好爸爸。追問他會否先生BB後結婚？他說：「我個人比較傳統，希望可以畀多五年時間我，我想做音樂劇，我係一個好難分心嘅人，若有家庭有小朋友就做唔到。」
城城又指身邊想生仔的朋友偏偏生女，問到是否指沈嘉偉？他說：「其實嘉偉冇所謂，佢鍾意大家庭，而我自己就鍾意生兩件。（咁快啲生！）大家都好關心我嘅感情問題，但其實我真係好低調。」對於城城的言論，Lynn經理人Kim接受電話訪問時回應：「嗰啲問題唔應該問我，我哋冇回應。」
賽車兩奪冠
另外，城城日前參加克里歐中國系列賽車珠海站，他在第一回及第二回合中兩度奪冠。城城表示今次賽車發揮穩定，沒有犯下任何錯，還希望以後能拿更多獎項。
文：名人組