40歲李嘉欣宣布有喜 留港等開刀

李嘉欣昨日出席海運大廈舉行的《新浪微博一周年 童鞋星級禮》，嘉欣未現身，現場已有十多名Stanley team保安守候，如臨大敵。約三時四十五分，嘉欣在六、七個保安護駕下，由商場三樓乘扶手電梯到達二樓會場，經理人陳善之全程緊拖伊人，工作人員更搬來椅子予嘉欣坐着受訪。

以鬆身裙、腳踏三吋高踭鞋示人的嘉欣，大方承認有喜逾三個月，並決定開刀生產，亦早於八月初已知道有喜，結果要取消往歐洲為品牌CHANEL的開工大計：「係上天忽然送畀我嘅禮物，冇人諗到，（傳你人工受孕？）如果係就唔會失晒預算同推JOB。」問她是否已有四、五個月，她着記者自己估，不想說謊，亦怕被追訪而不想公布。

問嘉欣是否如傳言所說懷的是男嬰？她只說生仔或女都一樣開心：「依家唔係100%知，唔想數周後個結果唔同好似耍大家咁。（即係生仔？）我冇咁講。（兔B？）我知二月四日前係虎年，應該係（兔B），但講唔埋。（傳奶奶要你去英國生？）冇啲咁嘅事，我想人生大事都喺自己喜歡嘅地方香港進行。」她之前陪姐姐照超聲波時感動到哭，但自己照卻未有哭，反而姐姐更激動。嘉欣又澄清其主診醫生是看了逾十年的陳姓男醫生，而非外間所傳的梁姓女醫生：「我唔係話人哋唔好，只係唔想有人慕名而去。」

嘉欣在活動上不時表現得幸福滿瀉。

放大圖片

胃口甚佳冇作嘔

嘉欣直言老爺奶奶得知會抱孫時，他們的回應令她非常感恩：「佢哋話『生仔生女唔係我哋決定，千祈唔好有壓力，你記住生唔生都重要唔過你哋兩個生活得開心。』之前報道話我哋關係唔好，將我妖魔化就好啦，唔好連兩位咁好心嘅長輩都咁講。」

嘉欣續說懷孕後胃口甚佳，未有作嘔，但卻醒目地不透露現愛何種食物：「我講出嚟，你哋咪有貼士估到（生仔定女）！（奶奶有冇整補品？）一煲嘢都冇煲過，唔使點進補，你煮咩我食咩，佢哋都好關心我，唔係啲雜誌所講，講到我平時冇嘢食咁，一有咗就有山珍海味！同埋佢哋年紀咁大，講得出嗰兩句都當我係女，係最好嘅禮物。」

問到老公亨亨得知做父親的即時反應？嘉欣甜笑說：「我話要取消訂咗嘅嘢，佢問我係咪病，我話佢知時（有喜），佢先停一停，話：『係呀？』語氣係有唔同，但佢扮吓有型，按住情緒，唔會表現懶高興，佢成日都整蠱我！（錫你多啲？）好難喇！有次我見到有隻戒指好靚，平時佢會買畀我，但佢話：『遲啲你十隻手指變香腸咁肥，都係戴唔落，不如走啦！』」她續說老公做好自己就是最好的禮物。

落台驚青 李嘉欣落台時樣子也顯得十分驚青。	善之擋駕 李嘉欣坐着受訪時，陳善之張開雙臂以防記者埋身。	小心登車 嘉欣登上代表嘉亨英文名的JM座駕直返愛巢。

瞞母偷穿高踭鞋

踏入四十歲才做母親，嘉欣表現從容，不擔心當高齡產婦：「唔會緊張，係你就係你。每個孕婦都知冇得擔心，條路唔係咁容易行。」她笑說現在全家最惡是其母：「我大住肚拍咗三個廣告佢好不滿，又問我點解今日仲出嚟！佢唔知我今日着高踭鞋。」她續說雖推了一些工作，但同時又接了三個工作，條件是要留港，還直言想似陳慧琳做到生為止！

另外，嘉欣說前晚到福臨門用膳時，是現場記者告知才得悉舊愛劉鑾雄也在場：「我見唔到佢，（佢恭喜你？）應該冇，今日我先第一次講呢件事，冇乜人知，（黎明之前被追問你係咪有孕急急腳走？）佢係唔係都急急腳啦！」活動後，嘉欣在十多名保安護送下，坐「JM」座駕直返愛巢。

採訪：名人組、追蹤組