陳靜徵友迎聖誕高矮通殺
自認單身的「百果園咪神」陳靜，正物色新男友，昨開出一列擇偶條件，要求身材高大，唔使靚仔，不過如果對方身材矮小，則要英俊搭夠。
昨日陳靜出席師妹「翻版JJ」o靚模梁筠兒的生日會，同場還有另外兩位師妹「翻版大Ｓ」李莉琳和o靚模蔡瑩瑩。雖然早前曾傳她與男子組合Square成員Gary翻撻成功，不過昨日陳靜強調中秋節將形單影隻，幸好有單身女友相陪，及與家人度過，不致太寂寞，且寄望聖誕節前能覓得新男友。
成熟穩重圈外人
陳靜說：「依家都有人追，不過唔啱，唔係自己鍾意嘅類型，想搵番個圈外男友，雖然同行會明白大家多啲，不過我都唔會喺呢度做一世，想搵個圈外人教我其他嘢，最好成熟穩重，（搵四十歲？）咁又太大，做得我爹哋啦，以前男友試過最大三十歲，三十幾都OK，（要有經濟能力？）唔使太好，照顧到我OK，（使唔使靚仔？）以前要靚仔，依家唔使，高度就考慮，有身高就唔使靚仔，矮就要靚仔啲。」
她說入行前無間斷拍拖，惟入行後則未有拍拖，她希望將來男友能接受她繼續工作，因她行性感路線，自己會在意對方感受，揚言連對方屋企人的想法也會顧及，絕對是好女友。
梁筠兒24歲生日
至於壽星女梁筠兒，原來周六才是24歲正日生日，早前修讀設計課程的她，生日願望希望推出個人繪本及工作順利，稍後將聯同師姐陳靜拍攝月曆，她透露會穿女僕cosplay，泳衣也不介意。現時沒有拍拖的她，笑言要陳靜介紹男友。文：名人組