羽翹四寶隨身 回味人生
每個人都會擁有別具意義的重要物件，當中有些會勾起回憶，有苦有甜，這次YouTube美容女王羽翹帶來四件人生中最重要的物件。羽翹笑言自己有好多物件可以分享，因為她是個儲物狂：「我好鍾意儲嘢，好似扣喺衫上面嘅小牌、戲飛，我都會儲，人生有好多嘢值得紀念嘅！」
藥
我天生耳水不平衡同鼻敏感，每次病發都會好痛苦，因為耳水不平衡好容易令人頭暈同嘔，有時搭車「浪」啲都頂唔住，所以呢啲藥對我好重要！鼻敏感仲會影響把聲，所以平日除咗食藥，出入冷氣地方都要小心冷親。
雞仔公仔
呢隻公仔跟咗我好耐，因為學琴最緊要就係練習，多數都只係得自己，媽媽驚我會悶、會心散，於是細個嗰陣就買咗呢隻雞仔畀我，佢陪我經歷咗好多時光架啦，諗住嫁都要帶埋佢去！
鋼琴
我四歲開始學鋼琴，依家做咗歌手，鋼琴更加係我嘅好拍檔，我平日喺網上面嗰啲自彈自唱嘅片都係用佢！嚟緊我就推出全新專輯，仲係首次包辦埋新碟嘅作曲、作詞同編曲，全靠呢個琴先寫出呢啲屬於我思想嘅歌！
歌迷信
呢個當然係我工作嘅動力啦！由我入行開始就儲，每封我都有睇架，雖然可能有啲我唔記得咗回信，但係我真係好多謝fans對我嘅支持，每次做嘢做到好攰都會睇吓，睇到大家咁畀心機去寫，我就會有力量去做嘢！
