溫碧霞定時落水游出線條
久未露面的溫碧霞（Irene）早前於活動上，真空大騷香肩同白滑玉背，40有多的她依然明艷照人，身材皮膚都還保持得非常均衡健康，果真愈來愈有女人味。雖然Irene咁Fit，但她笑言對食物沒有戒口，Keep住青春的秘訣，是要堅持每星期做適量的帶氧運動，她說：「平時每星期都會抽時間去游水，對成個Body嘅線條都會靚啲，如果個星期唔得閒，自己就會喺屋企用跑步機跑步，點都要做啲運動等個人郁下，新陳代謝先會快啲。」她表示如果要拍廣告，那星期就會食得清淡些，主要多菜少肉。
最近Irene忙着照顧囝囝（Xavier），被問湊ＢＢ會否令她瘦了一點，她則笑說體重沒有減少，反而手臂就驚變粗：「其實佢都已經幾重吓，抱得多反而令手臂愈來愈粗，所以我依家不時會換下手抱，希望唔好淨係粗一邊。」
