周家蔚開門見茶杯爭住咀
無綫藝人周家蔚（Janet）家中養了四隻茶杯貴婦狗，包括8Ball、Fluffy、Mocha及Moffy，而其中Fluffy跟Moffy更是兩母女，雖然要經常替四隻狗執手尾，但一想起每次回家時牠們洶湧而上錫她的畫面，就頓時甜在心頭！
寵壞你
茶杯貴婦狗乃貴婦狗當中體形最小的一種，Janet認為養細狗可避免被「壓扁」的機會：「其實同啲狗玩嘅時候，佢哋成日都會瞓落你個身度，有時仲要幾隻一齊跳上嚟，真係重啲都會畀佢哋壓扁！」最初她只養了8Ball，後來加入了Fluffy跟Mocha，牠們更誕下了四隻狗，其中一隻就是Moffy，但她當時對於Fluffy跟Mocha發生關係感到很愕然：「嗰時我喺外國收到電話，冇諗到會咁快發生關係，感覺就好似自己個女被人污辱咗，畀雷打咗一下咁，好心痛！」
練好肌力防跌
對Janet來說，養狗最麻煩就是要替牠們執「手尾」：「最煩係要執狗屎！不過都要睇吓佢哋心情好唔好，心情唔好先會四圍屙！」但養狗亦為她帶來不少歡樂，尤其當她回家時四隻狗爭先錫她的時候：「一返屋企佢哋就會湧上嚟不停錫我，仲要一定錫到嘴！」她提醒若飼養茶杯貴婦狗，定要小心牠們的手腳很易受傷跌斷，最好平日多做運動加強肌肉承受力。
看破生離死別
Janet以前住加拿大時養的貓Fluffy因患上腎癌死去，她特地替現在養的其中一隻狗取相同名字以表懷念，每次想到生離死別，她都會忍不住哭起來，不過可能由於她是基督教徒關係，她認為生老病死其實很正常：「最緊要喺佢在生嘅時候對佢好，死，人人都會，好正常，只不過係靈魂去咗第二度！」
文：韋芷茵 攝：李柏儒