小林尊來港挑戰蛋撻

大胃王小林尊猛龍過江，又到香港勁食一餐！港姐張秀文及李雪瑩昨日特地接機獻花，小林尊表示驚喜：「好surprise，佢哋好靚！今次係我第三次嚟香港，前兩次嚟係食叉燒包同埋蝦餃，聽日（今日）將會挑戰食蛋撻，未食過蛋撻，好期待！」小林尊又表示自己愛吃海鮮及茗茶，希望能食到正宗的中國料理及地道美食。兩位港姐希望一盡地主之誼：「我哋想帶佢去茶餐廳同埋食咖喱魚蛋，等佢食下地道嘅香港美食。」同時兩位港姐又表示佩服他的胃很有「彈性」，更笑言羨慕他食極唔肥的身形。