Baby正能量唔怕中傷
昨日本報收到讀者爆料直指「Angelababy是大話精」！首先踢爆她母親曾在上海任職卡拉OK，來港後因不懂說廣東話而難找工作，父母就經朋友介紹下在土瓜灣做內地遊客生意，而並非Baby稱父母做「中港商人」。再指由於Baby媽人緣麻麻，現已離職舊公司轉到旺角鐘錶行當售貨員，但她仍經常穿上女兒代言的名牌四處炫耀。最後表示Baby曾透露每日食2條海參令皮膚靚，其實食2條油炸鬼就差唔多！
對於被指「大話Baby」及種種指控，經理人Kim只無奈說：「好明顯有人想中傷Baby，如果個人心態好就唔會講呢啲嘢，傳聞聽完咪笑吓，我相信佢媽咪都唔會嬲，我哋能量好正面。」她表示Baby媽咪沒有擔任所說的職業，又指傳媒每日收到幾百樣消息，如每個作古仔的人都要回覆，就會好唔得閒。