關楚耀（Kelvin）昨日舉行新碟簽唱會，當他在台上唱歌時突然大叫：「媽咪呀！」原來關媽媽低調地在場外撐仔，超驚喜的Kelvin即暫停唱歌，落台和媽咪握手及合照，他說：「唔知媽咪嚟，今日心情超興奮，因為新碟等咗好耐，公司話定單唔錯，派咗定心丸畀我。」
而Kelvin的好友應昌佑和疑似女友亦神秘地在場外捧場，當記者發現他們時，兩人即彈開，女方還急急腳鬆人，問點解唔請舊愛衞詩（Jill）？Kelvin說：「我冇打電話畀佢，反而應昌佑話我有騷會嚟支持。（送新碟畀Jill？）你哋咁講當然送，希望朋友買碟支持，今次唔好衰。」
