惠英紅俄國封后 7獎追平張家輝

金像影后惠英紅已憑電影《心魔》先後在中港台橫掃六個獎項，最近她再下一城，在俄羅斯的《海參威國際電影節》中封后，第七度獲獎的她自然High爆，她接受電話訪問時說：「電影節有好多外國著名嘅電影參賽，今次衝出亞洲獲得認同，好開心呀！聽到消息嗰陣開心到好似嘔咗個心出嚟咁！之前以為冇機會所以冇去，有啲後悔。」此外，昨日惠英紅出席《電影專業培訓計劃2010》開幕禮，小紅表示前日收工才得知封后消息，心情興奮足幾日，她笑說：「終於追平張家輝掃七獎嘅紀錄，不過《心魔》冇參加金雞百花電影節，但張家輝就有，如果佢拎埋就多過我。」