周秀娜求神問卜擺風水陣
周秀娜、陳百祥、盧惠光、尹揚明等昨日出席泰國玉石商店剪綵活動。周秀娜比原定時間足足遲了半小時，抵埗後即耍冧謂：「都知唔可以誤吉時，尤其是風水店嘅嘢，但我個髮型師遲到，真係唔好意思。」
由於家人篤信佛教，周秀娜亦自認經常求神問卜，又表示不介意在家擺風水陣增強人緣。談到有指今年o靚模成績被排位，她名列Angelababy之後，周秀娜表示冇所謂：「其實我都幾滿意自己嘅成績，起碼到依家拍咗四部戲，最緊要係對自己同鍾意我嘅人有交代啫。」已整年沒放假的她，坦承男友有「詐型」，故打算稍後一起去旅行補數：「去邊度都冇所謂，或者去凍嘅地方，因為之前日日喺沙灘拍戲。」
而為玉石店擔任代言人的盧惠光坦言，家中有上百個佛像，就連自己的兒子及友人也曾問他晚上會否覺得恐怖：「我咪同佢哋講，睇慣咗咪冇嘢囉。」