李寶安否認「鬥」志雲
遭廉署正式落案起訴涉嫌串謀貪污詐騙的無綫總經理陳志雲，本周二將提堂；據志雲身邊朋友透露，志雲連日來雖四出搵朋友飯聚，其實心情忐忑，皆因復工不成又要面對裁決，而早前亦曾向友人訴苦：「無綫中人好多都唔妥我，梗係唔想我返去啦！」
據知，志雲在位時有不少權力鬥爭，包括無綫集團總經理李寶安和製作資源總監樂易玲等，記者昨日致電李寶安，他首度就陳志雲事件開腔，並強調自己是「真心話」，他說：「邊個唔想佢復工？全無此事，真心嘅……（點解佢會咁講？）唔知，不明其所以，（傳你跟陳志雲權力鬥爭？）黐線！（有冇聯絡？）唔方便，唔知法律上有冇問題，（出庭作供？）唔知，未收通知。」至於樂易玲在截稿前未獲回覆。