陳偉霆扣底 露半股試戲
陳偉霆（William）、鍾舒漫及洪卓立昨日出席戶外燒烤活動，烈日當空之下，William連跳兩隻快歌，搞到大汗疊細汗，相反鍾舒漫完全冇感覺，她說：「我怕凍多過怕熱，所以我好少溶妝，好多化妝師都讚勁！」
William表示曬太陽可以為下周開拍的電影做準備，他說：「下星期開拍同夏文汐姐姐套戲，講佢包起我去遊船河，曬黑啲會好啲。我上星期試戲，導演竟然要求我除底褲，因為要露半個屁股，我問可唔可以着T-back遮住重要部位，點知佢話唔得，我真係未過到自己嗰關，（加片酬？）咁又可以考慮吓！」
