由模特兒轉行做手袋生意的梁善棋（Jessie）（前名梁珊珊），與英國職業賽車手老公結婚兩年，終於造人成功，並於7月31日誕下一女Megan，由於老公是外國人關係，故女兒跟她姓梁，名文婓，現時Megan經已個多月大，Jessie笑言女兒由初出世本好好湊，但愈大愈扭計，經常要扭她抱，她說：「佢成日笑，瞓着覺都識得笑，見到佢乜嘢辛苦都唔記得晒，（BB似邊個？）合埋眼似我，張開眼似爹哋，佢眼珠係灰藍色，但係爹哋眼珠係深啡色，聽朋友講BB嘅眼珠長大後會變色，不過唔知真唔真。」
懷孕期間只重了11kg的Jessie，現在已火速減去10kg，只差1kg便回復昔日窈窕身材，現時BB由陪月和工人照顧，間中她的母親會由新加坡來港照料。有多位大人照料BB，故Jessie也放心復工，打理其手袋生意，問她有否打算再追仔？她說：「唔生住，太辛苦。」