鄭嘉穎買千呎豪宅招呼好友
鄭嘉穎第二年擔任銀行貸款廣告男主角，昨日舉行記招時透露將「成副身家」交由銀行處理，並為他進帳不少，現正物色千多呎的物業：「依家都有睇樓，但要成千萬首期。」問到是否築愛巢，他說：「大家（與模特兒徐靖雯。）朋友嚟架，好多朋友成日上我屋企。」問到新居會否選擇不太開揚避免再被偷拍，他說：「保安要好啲，但冇得避，食得鹹魚抵得渴，不過咩風景都冇所謂，都會拉埋窗簾。」
另外，對於佘詩曼與林峯傳出「撻着」，嘉穎說：「呢啲花邊新聞大家都明，記者都要搵料出街做封面，笑下算，你哋問番當事人啦，自己見怪不怪啲煲水新聞。」