何傲兒台慶「創新低」
無綫姐仔何傲兒與梁政鈺結伴出席活動，傲兒低胸裝示人乍現難得的性感，吸引不少人圍觀和爭相拍照，她直言有機會在台慶再有新「驚喜」：「咁唔算低胸，靚咪得囉，尊重場合啫，台慶可能再低啲。（驚唔驚太性感好似呂慧儀咁被批評？）佢當晚性感得嚟都好靚。」
梁政鈺亦笑言想請教呂慧儀防走光絕招，對有傳陳志雲昨日回無綫復工，她說未有聽過：「公司冇同我哋講過，呢件事之後都冇特別聯絡佢，從來都冇佢聯絡方法，陳生係TVB有代表性嘅人物，返嚟係好事。」傲兒則說：「聽到呢個消息都幾開心，因為冇佢聯絡方法，想搵佢問候吓都冇機會。」