「敵人」好cute性感 周秀娜當冇到
最近傅穎、周秀娜（Chrissie）及Jessica C.合作拍戲，最初有傳JC被孤立，其後再傳Chrissie及傅穎爭戲份，傅穎現在更使出「變幻球」，事業線技驚四座，力撼兩位有料之人。
對於傅穎的升cup行動，向來「胸襟廣闊」的Chrissie完全當冇到：「我哋唔係鬥性感，角色完全唔同，佢要扮cute，我就強悍啲。」提到另一「死敵」JC，娜姐笑說：「戲入面我哋係敵對，有鬧交戲，我會練定絕招添！（請佢食『波餅』？）咁又冇！我成日畀教練請我食波餅就真！」「警鐘胸」JC亦信心十足，大方讚美各人：「個個女仔都好nice，周秀娜仲教我講廣東話。」
另外，同樣有份拍《熱》片的OctoBeez成員Hidy則稱，沒有留意傅穎的身材。她謂：「冇留意喎！講勁梗係周秀娜同JC啦！見親佢（傅穎）都係練波，大家只係着T恤，咩都睇唔到。」