廖碧兒努力搵銀唔管陳豪
廖碧兒昨日被風水師麥玲玲睇相，被指愛工作及御夫有術，更即場拼貼出其真命天子模樣，該模樣跟陳豪十分相似。而廖碧兒說自己不懂管人，更大呻冇錢買樓，就算儲了錢也追不上樓價。
昨日無綫花旦廖碧兒（Bernice）以tube dress晒香肩兼露「事業線」，出席《OSIM 30周年健康慶典》，大會更安排風水師麥玲玲即場指點Bernice的愛情、財運及事業運，指她眉形靚及粗，愛工作及能管到老公，以及正財運佳。同時大會更拼出Bernice真命天子的模樣，怎料跟緋聞男友陳豪十分相像！不過，Bernice坐按摩椅拍照時雖小心翼翼，但期間疑露出黑色打底褲，可謂百密一疏！
從未睇過風水
事後Bernice笑言該真命天子的拼圖，跟與她現在正合作的鄭丹瑞十分相似，至於是否似陳豪？她說：「OK似，其實都似好多人！」自言是基督徒的Bernice，從未看過風水命理，更謂現在會以工作為先，感情放在較後位置，她說︰「我近排想買樓，諗住一儲夠錢就買，點知樓價又升，我真係買唔起！」她續說因姐姐返港、弟弟又生小孩，加上自己飼養多頭愛犬，為免愛犬影響小孩的呼吸系統，故想快點買屋。
懶理整容傳聞
至於是否如麥玲玲所說愛管束身邊人？Bernice說：「我唔識，只係識管理自己，我對自己要求高，日子要過得充實，好鍾意做嘢唔停得手。」對於整容傳聞，Bernice再次否認，笑言：「我有好多嘢做，唔得閒諗呢啲，寧願慳埋啲錢買樓好過！」
文：名人組