落敗威尼斯未失望 徐克撐嘉玲夠霸道
導演徐克憑電影《狄仁傑之通天帝國》殺入《威尼斯電影節》，首映後更被視為大熱門，但最終失落金獅獎，未能為華語電影爭光。昨日徐克接受訪問時大方表示沒有失望，認為最重要是觀眾喜歡：「有成二十部電影參賽，個個導演都出盡力，梗係有人得有人唔得o架啦！（賽前有信心？）一部商業電影有得參賽係好奇怪，但出到嚟反應好好，都算係一次難得嘅機會，感覺好得意。」
有指評審與得獎者關係密切，惹來小圈子遊戲之說，徐克對此謂：「唔知，但咁多人投票，相信唔會。」他又透露劉嘉玲與李冰冰未有因無獎而失望，更指她們很開心可出席影展。徐克說：「佢兩個一直都好開心，嘉玲仲話《黑天鵝》女主角妮妲莉寶文做得好好。」
滿意冰冰演出
提到眾主角演技，徐克統統讚不絕口，並希望可將他們「調校」跟平日不一樣。他稱：「好似嘉玲個樣好時裝人，於是我哋喺造型上討論咗好耐，結果創造咗個不同嘅武則天。」對於有指李冰冰的角色較搶鏡，徐克並不認同：「唔同人有唔同感覺，我覺得嘉玲好突出，佢演武則天好有霸氣，做到平時好慈祥，突然又好有殺氣。」撐完嘉玲，徐克不忘大讚滿意冰冰演出。雖然外界指冰冰其中一個造型激似林青霞的東方不敗，但徐克強調只是霎眼感覺，其實一點也不似。
文：影視組