Crystal跌裂尾龍骨急送院

HotCha昨日連走三場活動，但成員Crystal因傷缺席，原來前晚在《星光熠熠耀保良》中，除了曾與港男黃長興傳緋聞的徐美琪女爵士，因舞衣斷帶當眾「走奶」，Crystal在表演時不小心拉傷腳筋，返後台落樓梯時又失足跣倒撻低，公司見狀即送她到醫院睇急症，拍檔Regen及Winkie說：「醫生話佢尾龍骨最尾嗰節裂咗，最少要休息三個月，好彩唔太緊要。」

在家休養的Crystal在電話表示：「唔係咁嚴重，行路冇乜大問題，不過坐低用到嗰道力就會痛。」所以Regen笑言會送她水泡，令她坐得舒服。

放大圖片	Regen（左）及Winkie在Crystal缺席下出席奧海城活動。

陳偉霆經常跳爆呔

泳兒前晚在慶功宴上，談到她大騷「事業線」勁舞演出時笑說：「入行以來第一次咁性感。」對徐女士台上春光乍洩，她說：「發生喺女性身上係好不幸，但意外突發嘅嘢冇得避，我着啲性感衫如果冇用乳貼，就算明知皮膚會敏感，都會黐膠布代替。」

陳偉霆緊接徐美琪後出台，在台邊目睹成個過程的他說：「佢好努力拯救，用手掩護。」他自爆經常在台上跳舞時爆呔，只是沒有被發現，他身穿透視裝隱約露點，他笑說：「諗過黐心形乳貼配合大會主題。」

對於徐美琪走光，陳偉霆表示對方已經努力掩護。

陳偉霆

徐美琪走光屬意外

無綫製作部總監（非戲劇製作）何麗全對徐美琪在直播節目中走光，他指全是意外，他說：「佢着住件衫綵排過好多次都冇事，見到佢都盡力補救，暫未知有冇投訴。」對陳志雲盛傳即將復職，何麗全公司未有公布，他也是從報章上看到消息。就廣管局對無綫被投訴涉嫌壟斷巿場展開調查，何麗全說：「公司表明會全力合作，希望得知壟斷嘅定義同方向，係咪同事嘅努力就等於壟斷？」

文：音樂組