Janice操弗25吋腰賣性感
演唱會舉行在即的衞蘭（Janice）仍未成功修身，難得當事人相當樂天，拿自己的身材開玩笑，坦言很久未試過25吋腰。雖然處女電影票房一般，但卻無損她日後闖影壇的信心。
Janice昨日為十月中舉行的演唱會造勢，雖穿上厚身外套遮掩肥胖，仍發現她去不掉「baby fat」，她也不敢透露刻下腰圍，但直言：「已經積極訓練自己嘞，朝朝七點起身做運動同背歌詞，想減肚腩，希望演唱會可以keep到二十四、五吋腰，好耐冇試過嘞！」她不諱言演唱會服飾亦會略帶性感，但卻大賣關子：「到時睇咪知囉！（依家敢露邊part？）膊頭，但有時唔係露幾多，貼身衫都可以凸顯身形囉！」她又指屆時會勁歌熱舞，盡情娛賓。
做好工作唔理票房
當談及首次擔正的電影《為你鍾情》票房反應一般，Janice卻沒有氣餒，且坦言：「起初接拍都係因為鍾意個劇本，同埋覺得背後嘅訊息有意義，今次都攞到好多experience，所以一啲都唔失望。（有冇影響日後接戲？）順其自然啦，總之做好每一樣工作就OK。」而昨日記者會上，Janice獲數十歌迷列席支持，期間更邀請兩位歌迷上台對唱，場面熱鬧。
黎明向JW父母度期
而與Janice合唱《男人信什麼》的JW已返回英國繼續學業，臨行前老闆黎明等為她舉行了歡送會，JW父母亦有出席，黎明即趁機向他們「攞人情」，申請度期讓JW十月返港，擔任Janice演唱會的嘉賓。
文：影視組