唐寧嫁人嚇親阿棠 陸永早斷舊愛聯絡
唐寧即將結婚，昨日連獲兩位緋聞男友陸永及歐錦棠送上祝福，兩男卻不約而同遺失其電話號碼，可謂夾到爆！陸永表示透過微博得知「舊愛」婚訊：「戥佢開心，（分手後少聯絡？）係呀，比較少。（認拍拖喇？）咁人哋都結婚啦！」問陸永會否介意去觀禮時，C君搶答：「唔係好鍾意，點會介意？」期間又爆料稱陸永沒有唐寧電話號碼，弄得陸永匆匆解釋：「我之前唔見咗電話，先冇晒啲號碼！」
而阿棠經記者轉告得知唐寧結婚後吃驚地說：「恭喜佢喎！（咁熟都唔知？）好耐冇聯絡啦！（打電話恭喜佢？）一定，即打！」說畢即從口袋拿出電話，可惜找不到她的號碼，最後阿棠尷尬說：「遲啲一定打！」
