名模Rosemary在美國涉藏毒及撞車不顧而去兩度被捕，香港律師黃國桐看過她的口供紙後，贊成取消記者會，以免講多錯多，影響判決。他說：「從佢份口供內容睇，Rosemary唔止涉藏毒，仲可能涉及交易，所以係一宗嚴重案件。（因此戴上手扣連皮帶？）現場多人，驚佢整傷自己，為咗佢安全啫！」
至於過往不少外國明星捲入毒品案，保釋金大約數百至千多美元，如今Rosemary卻需繳付約十一萬七千港元的保釋金，究竟是與「外國人」身份有關嗎？黃國桐律師說：「保釋金額與案件嚴重性有關，如果驚佢棄保潛逃，可要求佢定時返警署報到。」他亦贊成Rosemary取消記者會：「佢唔講好過講，費事講多錯多。（開記招會影響判決嗎？）會！當地警方會睇報道。」