余曉彤愛運動舞走脂肪
周秀娜師妹余曉彤（Hidy）是運動健將，潛水跳舞沙排瑜伽無一不曉，其keep fit心得也離不開運動，她說：「如果可以行嘅話，我都唔會搭車，食完飯之後我又會踩單車，運動已經成為我生活嘅一部分。」沒有半點贅肉的她推介跳舞及泰拳兩項減肥活動：「跳舞對全身都有效，泰拳就heavy啲，會練到肌肉，而且還可以消耗好多脂肪。」
另外，食得健康亦十分重要，Hidy謝絕快餐及汽水，亦不會吃高熱量及高油分的食物：「我鍾意食沙律同生果，雞肉都係白灼，唔會落油，我仲好少掂零食同糖水，其實我都為食，不過為咗身形好冇辦法啦！」Hidy自言易肥易瘦，加入新八模前剛到西班牙旅行令體形暴脹，其後立即進行地獄式減肥，戒食澱粉質加上狂運動，令她迅速回復108磅至fit身材！Hidy又奉勸各位不要倚賴減肥藥，因會對身體構成副作用，而且體重很易反彈。
