調查TVB壟斷 楊秀惠：有無綫先有我
亞視早前就無綫壟斷事件在立法會發炮，又去信廣管局列出有免費電視台五宗罪，廣管局日前宣布就有關投訴展開調查。昨日一眾歌手、藝員就「壟斷事件」作出不同回應。
藝人組
做法合理
楊秀惠：「作為無綫藝人，覺得公司唔畀亮相第二個台，咁樣做好合理，因為佢畀個咁好平台我哋，有無綫先有我哋啦！」
唔覺專制
陳庭欣（出爐港姐冠軍）：「未睇報紙喎，不過我唔覺得公司專制，我哋香港小姐有我哋嘅任務，依家做緊嘅活動都係宣傳香港，唔單止宣傳TVB架！」
莊思明（港姐季軍）：「無綫並非壟斷，一間大公司有佢哋嘅規矩，人咁多，有啲規限對大家都比較方便，唔覺得公司專制，大機構需要管理員工，呢啲好正常啫！」
尊重合約
楊洛婷：「我啱啱先同無綫續咗約，依家喺無綫、明珠台同高清台都有主持節目，公司其實冇阻止我接其他電視台嘅工作，不過我會尊重合約精神，唔會接受其他電視台訪問或工作邀請。」
保護利益
馬賽：「我覺得無綫並冇壟斷市場，一間營業性嘅公司都會有佢哋嘅條例，公司要保護自己嘅利益，先可以正常運作。公司對我好好，畀好多機會我，我覺得加入咗呢個大家庭好開心。」
歌星組
遲下再講
鄧紫棋（G.E.M.）：「我都冇睇報道，唔係咁清楚事件嘅來龍去脈，加上件事仲徹查緊，都係不便做任何回應了，等件事有結果再講啦。」
多咗選擇
身為四大歌手之一的謝安琪（Kay）說：「幾好呀，作為一個觀眾有多啲頻道選擇係好事。」
Kay又大讚被傳復職無綫的陳志雲有領導才能，她說：「佢嘅成績大家有目共睹，佢復職都戥佢開心。」
係個承諾
與無綫有歌手合約的HotCha力撐無綫沒有壟斷，三女說：「唔覺得壟斷，係一個承諾，大家協議同雙方同意去簽份合約。（想唔想亮相其他電視台？）相信每個藝人都想多啲曝光率，但同無綫簽咗合作就要尊重合約精神。」
