郭錦恩曾吸大麻忠告唔好試
名模Rosemary在美國涉嫌藏有搖頭丸及撞車後不顧而去，而在美國長大的郭錦恩亦承認曾吸食大麻。昨日郭錦恩出席JOAN & DAVID秋冬時裝預覽，談到Rosemary事件，她說：「其實毒品唔可以試，會玩出火，係攞嚟衰，好似最近我先生個十幾歲嘅姪仔，就因為被發現喺學校食大麻而被趕出校，最慘係佢明年就升大學，所以佢媽咪都好傷心，所以話毒品真係唔應該玩。」
她又謂和Rosemary並不稔熟，但知道對方很愛蒲，不過自己亦曾經歷此階段，她說：「記得十幾年前我幫電台做節目，我開咗個題目，叫啲有食過毒品經驗嘅聽眾打嚟分享毒品嘅後遺症，之後即刻被廣管局警告，話我鼓吹人食毒品。」