陳嘉容求情：唔好咁快處決佢

陳嘉容：「我冇打畀Rosemary，相信佢都幾頭痛，暫時唔會擾騷佢，等佢自己cool down吓。其實一個女仔喺外國發生咁多事，都會好驚，我都好擔心佢，奉勸唔好掂毒品。好多客人都鍾意佢，佢樣靚，身材又好，係一個好乖嘅女仔，唔好咁快處決佢。（Ana R.同佢劃清界線喎？）佢講笑啫，朋友邊有隔夜仇。」

趙嘉懿：「我同Rosemary係好朋友，事發後我都有SMS佢，我都好擔心佢。印象中佢係一個健康嘅人，每日都會跑步健身，所以冇諗過佢會發生咁嘅事，不過希望大家可以畀個機會佢。」

趙嘉懿替Rosemary求情，望大家畀個機會。

歐陽妙芝撐Rosemary是一個乖女孩。

可能遇人不淑

歐陽妙芝：「Rosemary出道，我已經好似前輩咁睇住佢，佢好聽話同尊重前輩，我同佢都係處女座，對感情好投入，我冇喺工作環境見過佢有不良嗜好，都唔知點解佢會咁，可能遇人不淑，當經一事長一智。」