奇連拒執二攤辭演占士邦

提起奇連伊士活,大家可能即時聯想起他兩個最具代表性的角色:辣手神探及獨行俠。原來奇連曾有機會演出占士邦及超人這兩大銀幕經典角色,不過最終被奇連本人一一拒絕。

有好多荷里活巨星都曾試過放棄演出可以令他們成名的角色,奇連伊士活就是其中一人。最近奇連為執導的新作《Hereafter》接受訪問時,就首次提到拒演超人及占士邦一事:「我記得好多年前,當華納兄弟主席Frank Wells邀請我演《超人》,就是78年佢哋開始籌備《超》嗰時。我就同佢哋講:『超人?絕對唔係我演咯!』個角色並冇不妥,只不過屬於其他人演而唔適合我去演!」雖然奇連最終將超人一角拱手相讓給基斯杜化李夫,但奇連仍憑另一角色─—辣手神探Harry,成為觀眾心目中的大英雄!

喜歡真實角色

至於占士邦一角,據奇連回憶指當年由於辛康納利辭演占士邦,所以美高梅方面就着手四出找尋接班人。奇連表示雖然電影公司方面願意畀好多片酬力邀演出,但奇連仍然無動於衷:「一如超人一樣,我都覺得占士邦係屬於其他人演出。永遠都屬於辛康納利。所以我最終亦辭演。」奇連解釋他一直都不想被定型,他亦一向好喜歡一些較為真實的角色,如辣手神探而非超人或占士邦。

其實,華納兄弟在開拍《新蝙蝠俠:俠影之謎》之前曾搞搞新意,屬意找年事已高的奇連飾演蝙蝠俠一角,並打算用電腦特技將奇連變後生。但後來「只聞樓梯響」,未能成事,若屬實唔知奇連又會否接拍?

文:外娛組