曹敏寶全身漂白闖樂壇
曾做過有線主持的曹敏寶（Mable），最近轉型做歌手，她表示是童年夢想，她說：「讀書時已經好鍾意唱歌，07年喺有線舉辦嘅音樂比賽中攞到季軍，雖然順利入咗娛樂圈，但多數做主持工作，難得依家有老闆賞識，我希望可以試吓做鍾意嘅音樂。」
Mable坦言最要多謝屋企人支持，她說：「做樂壇新人都要捱，但唔試就唔知結果，好彩家姐Mandy（曹敏莉）都係做娛樂圈，雖然佢忙於搞婚禮，但仍抽時間聽我練歌，畀好多意見。」Mable透露九月開始錄製新歌，現階段要練好歌藝外，還要漂白自己，她笑說：「公司想我白番啲，依家每星期都要做身體磨沙，又要用美白mask敷晒全身，都幾嘥錢。」
化妝：Pinko
服裝：mi-tu