Mia食相被彈 硬吞數十蕉
已有一仔一女的「新八模」陳靜儀（Mia）在o靚模寫真戰中因潮媽身份突圍而出，最近更被瘦身產品睇中擔任代言人。首次拍個人廣告的Mia只花2小時已穩袋5位數字，難怪要她硬食幾十「蕉」都要頂硬上。
最近「新八模」Mia桃花大旺，大晒「事業線」成功俘虜4anda中的6呎猛男Manson，而且「真」事業亦穩步上揚，並未因潮媽身份而令她較其他o靚模輸蝕。
日前她被「一蕉瘦」瘦身產品睇中擔任代言人，當日拍廣告時她穿上tube top及熱褲大晒蛇腰，本來要她擺各種誘人甫士，她都應付裕如。直到拍食蕉鏡頭時，反而令她大呻辛苦！
望拍護膚品廣告
拍攝時Mia其實只需簡單吃蕉便可，但攝影師要求有美感，叫她不要食得太急，但當她慢慢食時又被指朱唇張得太大，結果為求更佳效果，她共食了幾十隻香蕉，才獲攝影師滿意收貨。
雖然只拍了短短兩小時廣告便穩袋五位數字酬勞，Mia也嘆搵錢不易，還笑言：「估唔到食生果要有美感係咁難，我以後食嘢都要邊照鏡邊食，咁下次拍食嘢鏡頭都唔使食咁多！」她更透露希望有機會拍護膚品廣告，因為通常都拍得女主角很靚。
文：專案組 攝：吳文聰