周慧敏短髮封胸 玉女讓露
玉女掌門人周慧敏唔做玉女？昨晚她出席時裝騷時，將一頭招牌長髮收起，套上短假髮，並刻意封胸，搖身一變成為中性慧敏，大方讓賽，不介意被同場低胸露事業線的吳君如搶鏡。
向來穩坐玉女寶座的周慧敏，昨晚偕吳君如一同出席MaxMara 2010秋冬時裝騷，兩人打扮成強烈對比，周慧敏一身密實裝扮，戴短假髮，極之中性，而君如則deep V低胸，女人味十足，對被指對調角色，周慧敏說：「平日君如男仔啲，我女仔啲，今日轉吓，（佢低胸搶你鏡？）由得佢搶，畀佢搶。」
周慧敏說一直留長髮，全因頭髮天生卷曲，若蓄短髮會好難打理，所以做玉女其實係有苦自己知，不過她說在中學時代亦曾蓄短髮，當時還戴上厚厚鏡片的眼鏡，講笑完全冇人會認得當時的四眼妹是她，但未試過被人誤會是TB。她更自爆因造型太特別，有如書蟲一樣，故直至中五才發生初戀。對於有傳君如再度有喜，她說君如曾向她否認有喜，會相信對方，不想再追問造成壓力。
羅愛欣搵誠實男友
同場自認單身的羅愛欣，笑指自己有的是時間，但苦無對象，幸有家人相陪，還透口風表示家姐不時會介紹男仔給她認識，不至於太dry，而自己對戀情隨緣，認為自己並非年紀太大。對於擇偶條件，她說：「人大咗同以前唔同，最重要搵一個誠實嘅人，（曾受過欺騙？）唔係，人大咗覺得呢樣好重要。（需唔需要有家底？）唔太需要，中國人或外國人也無所謂，最緊要性格夾。」
黃佩霞未見人濫藥
另外，黃佩霞回應有關混血名模Rosemary在美涉藏毒一事，她說：「我識嘅佢重健康，係鍾意運動嘅女仔，希望佢冇事，我都睇住佢大，第一次同佢合作，佢得十四歲，希望佢安全度過。（有冇聽聞模界好多人濫藥？）聽過好多，但冇親眼見，自己未遇過。」
文：名人組