君如愛情達人睇透男人心
「愛情達人」吳君如坦承無論在精神及財政上都不會依靠別人，深明男人「孔雀開屏」的天賦本能，更自爆曾傾慕同性及被女士追求，看來陳可辛絕對要「小心女人」！
吳君如夥拍周慧敏演出新片《得閒炒飯》，片中不乏激咀及床戲，角色理智兼大膽，就連君如亦自愧不如：「佢（角色）型啲，開拍前我都摸唔清阿Ann（許鞍華）要乜，佢於是介紹個朋友畀我識，對方就係有晒呢啲特質。」
雖然故事並非着意標榜同性戀，但卻勾起君如的舊回憶：「讀女校點會冇呢啲（同性關係）吖？以前都仰慕過啲好型、長腿嘅姐姐。（同學暗戀你？）總會有啲感情投射，唔使大驚小怪。」事實最終證明君如是個異性戀者，且對男性了解程度非淺：「女人專一，男人就焗住要專一，無論心態同性能力，佢哋到八十歲都仲得，因為係本能。」
拍戲燃愛火
能成典型的當下女性，君如自言無論精神及經濟也不用依靠別人，難怪當問到有否擔心陳可辛有異性投懷送抱，她絕對可大聲表示：「不如佢擔心我好過啦！唔應該思前想後，去懷疑啲根本唔知有冇發生過嘅事。兩人相處，愛情可以喺好短嘅時間就結果，剩低嘅其實係感情，應該將對方嘅優點無限放大，學曉點去欣賞別人！」君如更反過來自爆常與戲中對手擦出火花：「同啲男主角合作，梗要欣賞佢哋啦，有時都好掛住對方，之前亦試過戲假情真，但只維持咗一段時間。」
否認有身孕
此外，君如昨出席慈善活動再次否認懷孕：「呢個話題要停，冇咁嘅事，上次話我有只係電影宣傳橋段，本身有個女，一切隨緣（人工受孕？）我唔會再咁博。」對於有指好友邱淑貞產女後會繼續追仔，君如說：「今次係意外，唔好咁話佢，細女好靚似足媽咪！」
文：影視組 攝：沈健程