Karen為事業樂做剩女

雖然有女藝人認為「剩女」含有貶義，但Karen笑說：「冇乜嘢，唔覺得係踩、有貶嘅意思。你估咁易做o架？我識得欣賞同珍惜！」Karen指「剩女」代表有一定條件、成就，可能確實會令男士卻步不敢追求，但沒理由要她降低水平，在現今香港這個大城巿，她笑言有很多「自己友」。

着重情趣

Karen對感情抱隨緣態度，結婚與否並不重要，最重要是開心。她說：「就算有啲人嫁咗，如果個老公唔好，咁又點呢？」她認為兩個人不一定以結婚來證明相愛：「現階段我唔再係陶醉你買啲乜氹我，情趣係需要，但我着重同另一半係要溝通到，最緊要係啱channel。」在愛情路上Karen未必一撻即着，愛的種子往往是不知不覺間萌芽，Karen笑言：「有時真係唔知邊剎那會鍾意咗。」

愛情滋潤能令人變得漂亮，但只有音樂才能令Karen充滿力量。本身是工作狂的她，藉着這份推動力得到最大滿足。她謂：「我仲好後生，嗰團火仲好旺盛，好享受喺舞台上唱歌表演，好似上癮搣唔甩，冇任何嘢可以令我放棄。」

娛樂大眾

Karen近年還身兼自己唱片、演唱會製作人，全程投入創作過程，下一個目標是舞台劇，她希望做一個開心歌舞劇。她謂：「苦澀情歌唱得多，作為藝人某程度係娛樂大家，我希望帶畀大家歡樂，做人開心人都靚啲。」

文：音樂組

Hair：Derrick Ng@P.O.P. hairdressing

Make up：Andy Leung@make360.com.hk

Wardrobe：miss sixty

Venue：G Bar