李克勤接受電台訪問時透露，帶囝囝Ryan返學時被狗仔隊偷拍。他說：「『阿仔開學，遲早一鑊』，呼籲下次可以遠啲，我唔反感嘅，不過校長就有微言囉！如果佢（囝囝）問點解畀人影，我都知點交代嘅，咪同佢講『唔係你啲玩具點嚟？』。」克勤又笑言待兒子長大，會叫他幫忙宣傳新碟。問到會否讓囝囝如Lucas活躍兼入行？他說：「唔知，唔去評論人哋，但唔想佢入行，將來先算。」
