鄧紫棋冇向林宥嘉告狀
鄧紫棋（G.E.M.）昨日穿上塑膠廢物造成的斜膊裙出席在海港城舉行的環保活動，她大讚設計師好犀利，有意邀請對方擔任明年三月在紅館舉行個唱的服裝設計師，不過她透露塑膠裙很拮同焗。
對於有報道指她被緋聞男友台灣歌手林宥嘉奪去初夜，G.E.M.否認說：「咁敏感話題唔想攞出嚟講，加上係雜誌無中生有，唔可以報道失實將件事扭曲，希望大家誠實去報道。（有冇嬲？）有嬲，覺得有冇搞錯？離晒譜，字眼係人身攻擊，冇辦法支筆喺人哋度。」問到有否就事件與林宥嘉聯絡？G.E.M.說：「冇咁嘅需要，唔使理，因為大家都知冇件咁嘅事。（會唔會法律追究？）冇用，就算寫道歉信都落喺好細嘅位度。」