Gordon爆Rosemary曾受引誘

Gordon(Rosemary前男友)對舊愛在美國涉嫌藏毒被捕表示不知情,坦言再見不是朋友,又冇聯絡,卻希望大家給她一個機會改過,人誰無過!

Gordon當年與Rosemary拍拖愛得纏綿,分手後卻不是朋友,除隔空互罵外,更與她當時的男友Christopher在夜店爆發衝突,當記者問Gordon知否前女友在美國涉嫌藏毒被捕?他在電話中反應甚大說:「係咩?我真係唔知!(你哋有冇聯絡?)分手後都冇聯絡,間中喺夜店會見到佢,禮貌上都會同佢say hi,我哋只係好普通朋友。」

行騷突喊到失控

問及Rosemary有否不良習慣?二人拍拖時有否見過她服食藥物?Gordon說:「我唔知,好難comment,呢個世界好多引誘,可能有損友誘佢,話可以減壓又或者情緒高漲之類嘅說話,就算食都唔需要喺人面前。記唔記得有次佢行騷突然喊到失控,我唔知會唔會有關係。(你會唔會致電問候佢?)唔會,我哋真係冇聯絡,但我都希望大家畀次機會佢,每個人都會犯錯,應該畀次機會。」

「個女終於出事」

現時屬自由身的Rosemary,記者向她前模特兒公司Models International公關詢問時,模特兒公司老闆Candy以短訊回覆記者,內容是:「很惋惜這個女終於『出事』,告誡現今的年輕人必須珍惜前途,不要輕嘗毒!公司絕不容許任何旗下模特兒吸食毒品,一旦發現,必立即解約。」事後聯絡Candy,對於以終於「出事」來形容Rosemary涉藏毒一事,是否暗示她預測到對方會出事?Candy說:「我冇預測任何人,只係聽到新聞後,覺得出事好惋惜、好擔心佢,希望可以幫到佢,我都有SMS畀佢,但冇覆。」

文:名人組