鍾浠文暗示恨收周柏豪鑽石
「翻版徐子淇」鍾浠文（Zelia）昨日擔任珠寶模特兒，演繹總值逾千萬港幣的古董珠寶，她表示這次首戴古董珠寶，當中最喜歡是一枚估值五千五百萬港元的粉紅鑽戒，Zelia說：「戴嘅時候好驚，尤其是戴耳環時，驚啲石跌落嚟。（自己有無收藏？）無，貴得滯。不過我有買過少少珠寶畀媽咪。（有無男仔送過畀你？）未有。」問到緋聞男友周柏豪是否也沒有送贈？她即表示沒有。她又笑言若有男生送她鑽石當然好，但她不會主動要求。
另外，Zelia透露近日都是忙模特兒工作，主力在香港發展，她說：「自己都係鍾意香港，如果去其他地方我驚唔慣，不過都想去見識下。（想唔想拍戲？）都想呀，但要學好廣東話先。（有無同周生講？）佢好忙，佢不嬲唔陪人，我哋係朋友咋。」
