莊思敏胸前成果十人摸過

莊思敏、汪詩詩、溫碧霞、林莉、馬詩慧與王敏德、郭錦恩等昨日出席Amarantine Spa水療中心開幕活動，莊思敏被問到隆胸後胸部是否依然硬？她說：「依家變軟咗啲，都可以戴Nu Bra同埋着泳衣。（幾時行泳衣騷展示身材？）唔會住，無呢方面嘅工作，不過下星期會為隆胸公司拍廣告，到時會着比堅尼上陣，但都唔會太性感，因為會喺電視播。」

男性朋友唔敢摸

被問到男友吳浩康現在是否很滿意她的身材？她即不願多談，並說：「我哋無乜討論過呢個話題，唔會專注個胸度，反而好多女仔朋友都好好奇，好想摸，已經有八至十個女友摸過，女仔無所謂。（男仔呢？）無囉，佢哋唔敢，會尷尬，我諗佢哋如提出，會係性騷擾。」

林莉（左二起）、莊思敏、溫碧霞及汪詩詩等一起現身活動。

狀態大勇的溫碧霞，早前一口氣接了五個廣告。

另外，剛由威尼斯返港的汪詩詩，透露在當地與老公甄子丹慶祝八月三十日的結婚七周年紀念，她說：「我哋度過咗好浪漫嘅一夜，好似返番拍拖時咁。」繼而又表示兩人心靈相通，互送了iPhone當禮物。而因兩人都很忙，所以沒想過再要造人。而子丹近期忙於拍攝《精武風雲．陳真》，在戲內不乏打鬥場面，當中有不少戲十分驚險。他在戲中與日本人Akira有不少對手戲，子丹十分欣賞他對功夫的認真，大呼愈打愈過癮。

溫碧霞狂接廣告

而溫碧霞透露早前一口氣接了五個廣告，加上要照顧養子何國倫，所以十分忙碌。她表示很多人找她和囝囝一起工作，但她全都推掉了。

文：名人組