E Cup鄧伊玲半裸攝位
「百果園咪神」陳靜師妹鄧伊玲（阿旦），趁o靚模寫真休戰期，乘勢出擊搶攻宅男市場，憑E Cup咪咪突圍，拍攝半裸超激性感寫真，挑戰「寫真女王」周秀娜及「浸大E神」楊梓瑤等o靚模前輩。
有「E Cup教主」之稱的阿旦，在財務廣告中密實上陣，憑甜美笑容入屋，更成功吸引陳靜（DaDa）經理人施念慈青睞，將她羅致旗下，準備豪擲六位數，到東南亞的陽光海灘勝地拍攝，承接DaDa的氣勢，將於年底推出半裸超激性感寫真標尾會。
男友慫恿留倩影
阿旦趁着「寫真女王」周秀娜率新舊八模師妹寫真攻日，睇準本港寫真戰場的空白期才出擊。為了不容有失，阿旦早向男友黎國輝（阿感）申請，獲恩准瞓身與o靚模肉搏，她說：「寫真一定有泳衣相同內衣相，最激會有半裸，淨係用啲嘢遮住重要部位。（惹人遐想？）好事，唔好低俗就得啦！（男友接受？）佢批准，話身材好就梗係要留倩影，將來留番畀仔女睇，仲慫恿我去影，畀好多信心我，話如果失敗咗仲有佢做後盾。」
ABOUT鄧伊玲（Elaine）
暱稱：阿旦
年齡：25歲
三圍：32.5E、24、33.5
身高：160cm
文：專案組