周永恒心疼阿Yu被踢
周永恒（Roy）和趙梓淇（Yu）的愛情結晶品即將出世，兩公婆趁產前甜蜜遊公園玩搖搖板，享受「三」人世界，患腦水瘤的Roy感恩說：「依家肯定見到囡囡出世！」
已懷孕37周的阿Yu肚大如籮，體重增至130多磅，Roy說：「老婆呢個星期開始有啲陣痛，醫生話隨時生得，我哋心情好緊張，好期待，希望囡囡快啲出世，昨晚我整炒米茶畀佢飲，佢依家好辛苦，成日抽筋，BB得閒又伸佢一腳。」
泳衣廣告免問
Roy一早為女兒改名「信希」，代表有信心有希望，快為人父的他數月前發現有腦水瘤，曾擔心不能親睹女兒出世，身為基督徒的他將一切交給神：「早排不停頭暈入院，最近冇暈過，依家肯定見到佢出世，覺得神有做嘢。」
快為人母的阿Yu被老公取笑再度發育，Roy笑說：「佢唔止個胸大咗，仲高咗2cm，依家同我差唔多，生完之後唔准佢再着高跟鞋。」Roy謂有瘦身廣告斟阿Yu，不過卻要着泳衣，故已被他們拒絕了。
文：音樂組