千嬅瞞住老公夾實林峯
林峯與楊千嬅主演新片海報，再度涉及抄襲疑雲。海報與一部由丹尼斯奎特主演舊片海報極度相似。而千嬅還未將有親熱動作的海報給老公看。
「亞太區最受歡迎香港男歌星」林峯相當黑仔，早前他主演的電視劇《談情說案》被指抄襲日本電視劇《神探伽利略》和《Mr.Brain》後，他與楊千嬅和周秀娜主演的新片《抱抱俏佳人》海報，再被指涉及抄襲之嫌，與男星丹尼斯奎特的舊片《Yours,Mine and Ours》的海報極度相似。《Yours》片由丹尼斯奎特用背部頂着一道門，門後有一班人在偷望，女星雲妮羅素則躺在地上。而《抱》片海報中林峯被楊千嬅「起腳」夾住，千嬅與丹尼斯奎特一樣同用背部頂着一道門，門外同樣有一班人在偷望，而周秀娜則與雲妮羅素一樣躺在地上，兩張海報背景如出一轍。
最緊要影得靚
《抱》片男主角林峯昨日原定為劇集《花花世界花家姐》拍攝外景， 但因病而取消。晚上他現身拍廠景。對於海報涉抄襲一事，他說：「好多影相組合同企位都差唔多，最緊要影出嚟靚。（成日被指抄襲？）唔覺得，其實一定會有相撞嘅，自己冇所謂，無論咩電影角色，不同人不同組合出嚟效果唔一樣。」問到病情，他說：「今日唔舒服，有肚屙同低燒。自己腸胃一向唔好。而頸部仲痛，但工作排到明年。」
夾到腳都硬晒
至於身穿Sharon Wauchob服裝的楊千嬅與麥浚龍出席活動，千嬅對於海報相似則表示：「唔似，佢哋咁輕鬆，我拍得好辛苦o架，要吸住氣挺胸收腹用對腳夾住林峯，我哋close啲，夾到我對腳都硬晒。（硬晒？）我講嘢要小心啲，我係有夫之婦，所以我都未畀老公睇張海報。」
文：影視組