熊黛林不計前嫌恭喜Amanda S.
郭富城前緋聞女友Amanda S.將於明年出嫁，對於Amanda表示不會邀請城城參加婚禮，熊黛林（Lynn）昨日出席活動時笑言別問她，但仍大方恭喜Amanda，指結婚是開心事，替對方感到高興。
熊黛林昨晚以一襲超Deep V貼身裙為時裝騷作壓軸演出，大晒誘人事業線。Lynn出場時不慎絆了一絆，幸好有驚無險沒有跌倒，她亦專業地若無其事繼續行騷。事後Lynn表示：「台上嘅玻璃好跣，好彩我經驗夠。如果真係跌低我會坐喺度，同埋擺個靚甫士。」
天橋出洋相
Lynn不諱言曾試過在天橋出洋相，她說：「我試過真係坐咗喺度，嗰時係初初入行，件衫係宮廷服所以睇唔到路。（今日係咪真空上陣？）梗係有打底啦，做足安全措施o架喇。」
提到郭富城前緋聞女友Amanda S.日前表示結婚時不會請城城參加婚禮，對此Lynn即大方地說：「恭喜佢。（佢話唔請城城喎。）唔好問我。佢結婚係開心事，恭喜佢。（佢會唔會請你？）我唔知呀，我哋好耐冇見。」
碰面唔尷尬
Lynn續說：「我今日咁啱見到佢，喺街度撞到。當時我喺車度等緊紅綠燈，佢咁啱行過。（有冇恭喜佢？）唔記得咗，我哋有打招呼。（見到唔會尷尬？）唔會，以前一齊行騷都有傾有講。」
對於屢被傳整容的師妹Angelababy早前找醫生驗證沒有整容一事，問Lynn可會效法，她說：「我自己唔會咁做，因為每個人對呢啲新聞諗法唔同，我會當佢哋讚緊我。如果搵證據出嚟啲人仲多嘢講。」
採訪：名人組