Karen 除衫賣浴齋益港fans

Karen、任達華、琦琦、陳豪及Ana R.昨晚齊齊出席活動，Karen到場時大談事業經，開心地透露將推出香港版唱片。她說：「香港版好有誠意，唱片專輯內啲相係全新影，仲多咗兩隻MV喺入面，其中一隻MV有出浴鏡頭。（你益香港fans？）係，我對佢哋好好，我真係沖涼o架！（有冇泡泡先？）我有包住毛巾，有水冇泡囉！」問到拍出浴照有否問過緋聞男友張亞東？她說：「我自己影呢啲從來冇問過人，就算之前露股嗰輯相，影完先記得返屋企同阿媽講。」

任達華搞喊老外

同場的任達華與琦琦剛從英國度假回港，任達華透露，在機上看見坐在對面的二百多磅外籍男士突然哭起來：「原來佢睇緊我主演嘅《歲月神偷》感動到喊，好驚訝望住我問係咪任達華，我哋合照後問佢攞地址，會寄番簽名合照相畀佢。」

任達華與琦琦剛從英國度假回港。	陳豪坦言很多事身不由己，緣分等命運安排。	Ana R.低胸出席，謀殺不少菲林。

問到有否與吳君如聯絡？任達華表示君如是否懷孕，只有她自己才知道，並說：「我之前應承送相機畀佢影BB，部相機依然準備好。（電影《熱愛島》連劉嘉玲都辭演？）套戲都有好多人選。（你最期待同邊個合作？）係好戲之人都想合作。」

陳豪緣分睇命運

此外，對於廖碧兒想三十五歲前結婚，陳豪尷尬回應：「唔知點答，結婚係開心事，每個人都會經過。我睇命運安排，要緣分，但有很多事身不由己，今日唔知聽日發生乜，可能會結婚生仔呢。」

文：名人組