超蓮代Jeremy接電話證未分手
何超蓮最近傳與拍拖九個月的男友Jeremy鬧分手，前晚十時許，本報記者致電Jeremy手機再次求證，接電話的竟是一把女聲，記者表示要找Jeremy，她說：「我係超蓮。」當問到二人分手傳聞時，超蓮平靜地說：「我唔會再回應o架喇！你哋唔好再打呢個電話啦！畀番啲空間我哋，私人事唔會再回應，咁樣會好影響我哋。」由此證明兩人仍未分手。
另外昨午二時許，超蓮薄施脂粉獨自乘七人車到銅鑼灣，在一間設有美容院的化妝品公司逗留約45分鐘後，再乘車往四季酒店與父母及家姐超雲歎茶。醫肚後，超蓮未有即時隨隊歸家，反而前往尖沙咀會合兩名女友人行街。三人先到海防道一間上樓的日本時裝店，她表示：「陪朋友揀衫，朋友之前留低咗銀包，依家上去攞番。」三女之後再往附近商場閒逛，又到附近的涼茶舖吃甜品，逗留半小時後超蓮自行乘七人車回家。
與父母歎茶期間，超蓮更以手機自拍放上微博，並留言：「同屋企人喺四季high tea……留意我媽表情。」認真貪玩！