在去年MTV音樂影帶頒獎禮上強搶女歌手Taylor Swift咪高峰的饒舌歌手Kanye West，前日於Twitter向Taylor道歉七十多次，他坦言自搶咪事件後跌至谷底，甚至生活潦倒！
前日早上Kanye於兩小時內在Twitter上留了七十多個留言，為去年搶咪事件再次向Taylor道歉，他說：「我覺得同Taylor講對唔住都唔夠，我作咗一首歌嚟表達歉意，好希望Taylor可以唱呢首歌，如果佢唔肯接受嘅話，咁我就啪畀佢聽。」
其實自去年強行上台搶咪一事後，Kanye的生活極為不順：「呢件事畀我好大教訓，我生活得非常差，失去同幾位國際巨星同台合作機會，而自己嘅服裝品牌又執埋。」而Taylor對Kanye West的道歉暫無回應。
Taylor去年於MTV音樂影帶頒獎禮為獲得最佳女歌手MV致詞時，Kanye突然衝上台奪去她手中的咪說：「對唔住打斷你講話Taylor，不過我想講Beyonce今年有史上最出色嘅MV！」他的鹵莽行為令其事業一落千丈，不僅取消了去年秋天與百變天后Lady GaGa合作的巡迴演唱會，其時裝品牌Past Tell則結業收場。
不過姬赫遜前夫、搖滾樂隊The Black Crowes的主音Chris Robinson在訪問中卻力撐Kanye：「當聽到有人讚Taylor有才華，我就覺得好尷尬，佢係個可愛嘅女仔，但一定唔係有才華。」而Kanye與Taylor會於本月十二日的2010年MTV音樂影帶頒獎禮上再次碰面，不知到時二人會否因同場而感到尷尬。
文：外娛組